Ռուսաստանի հավաքականը wild card չի ստացել և բաց կթողնի բասկետբոլի ԱԱ-2014-ը

ԵՐԵՎԱՆ, 1 փետրվարի. /Նովոստի–Արմենիա/. Ռուսաստանի բասկետբոլի տղամարդկանց հավաքականը wild card (հատուկ հրավեր) չի ստացել և բաց կթողնի 2014 թ.–ի աշխարհի առաջնությունը, հաղորդվում է Twitter–ում Բասկետբոլի միջազգային ֆեդերացիայի (FIBA) պաշտոնական էջում։

Աշխարհի առաջնությունը տեղի կունենա Իսպանիայում 2014 թ.–ի օգոստոսի 30–ից մինչև սեպտեմբերի 14–ը։

Ռուս բասկետբոլիստները` Վասիլի Կարասևի ղեկավարությամբ, 2013 թ.–ի Եվրոպայի առաջնության ժամանակ դուրս չեկան երկրորդ խմբային փուլ և որպես հետևանք կարող էին մեկնել 2014 թ.–ի աշխարհի առաջնությանը միայն, եթե Ռուսաստանի բասկետբոլի ֆեդերացիան ստանար wild card, հաղորդում է «ՌԻԱ Նովոստին»։

FIBA–ն 2014 թ.–ի աշխարհի առաջնության wild card է տրամադրել Բրազիլիային, Ֆինլանդիային, Հունաստանին և Թուրքիային։–0–