Աբրահամը խոստանում է վերադարձնել չեմպիոնի տիտղոսը

ԵՐԵՎԱՆ, 29 հունվարի. /Նովոստի–Արմենիա/. Գերմանիայի դրոշի ներքո հանդես եկող հայ բռնցքամարտիկ Արթուր Աբրահամը խոստացել է գերմանացի Ռոբերտ Շտիգլիցի հետ կայանալիք մենամարտում վերադարձնել չեմպիոնի գոտին։ Մենամարտը կկայանա մարտի 1-ին Մագդեբուրգում։

«Մարտի 1-ին ես կստանամ իմ գոտին։ Այլևս ասելիք չունեմ, զրույցն ավարտված է»,– նախօրեին Մագդեբուրգում կայացած ասուլիսի ժամանակ ասել է Աբրահամը, հայտնում է fightnews.com–ը։

Շտիգլիցն էլ իր հերթին հայտարարել է, որ կպաշտպանի տիտղոսը։ «2013-ը իմ տարին էր։ Ես վերադարձրի տիտղոսը, որը «պարտքով տվել էի» Արթուրին, իսկ հետո երկու անգամ պաշտպանեցի այն։ Ես կմնամ աշխարհի չեմպիոն։ Երջանիկ եմ, որ ինձ է բաժին ընկել բռնցքամարտի պատմությունը գրելու հնարավորությունը»,– ասել է  Շտիգլիցը։-0-