Մովսիսյանը բաց է առաջարկների համար, սակայն հավատարիմ է «Սպարտակին». Ֆուտբոլիստի գործակալ

ԵՐԵՎԱՆ, 23 հունվարի. /Նովոստի–Արմենիա/. Մոսկվայի «Սպարտակի» հարձակվող Յուրա Մովսիսյանը պատրաստ է դիտարկել այլ ֆուտբոլային ակումբ տեղափոխվելու առաջարկը, թեև այս պահին հավատարիմ է ներկա ակումբին, «Р-Спорт» գործակալությանը հայտարարել է հարձակվողի գործակալ Պատրիկ Մաքկեյբը։

Մովսիսյանը, ով երկքաղաքացիություն ունի (Հայաստան և ԱՄՆ) ընթացիկ սեզոնում «Սպարտակի» կազմում դարձել է 12 գոլի հեղինակ, նա հավակնում է պրեմիեր–լիգայի լավագույն ռմբարկուի կոչմանը երկրորդ սեզոնն անընդմեջ։

«Յուրան բաց է լավ առաջարկների համար, սակայն այս պահին նա հավատարիմ է «Սպարտակ» ակումբին։ Ակումբի ղեկավարությունը լավ է վերաբերվում նրան», – նշել է Մաքկեյբը, հաղորդում է «ՌԻԱ Նովոստին»։

Հայ ռմբարկուն 2012 թ.–ի դեկտեմբերին Մոսկվայի «Սպարտակ» ակումբի հետ կնքել է 4,5 տարվա պայմանագիր։ Ռմբարկուն 25 խաղ է անցկացրել Հայաստանի ազգային հավաքականի կազմում, որոնց ժամանակ դարձել է 9 գոլի հեղինակ։–0–