ԵՐԵՎԱՆ, 23 հունվարի. /Նովոստի–Արմենիա/. Սոչիում կայանալիք Օլիմպիական խաղերում Հայաստանի պատվիրակության դրոշակակիրը կլինի Սերգեյ Միքայելյանը, հայտնում են Հայաստանի ազգային օլիմպիական կոմիտեի մամուլի ծառայությունից
Հայ օլիմպիականները այժմ հայրենիքում են: Դահուկավազորդները պարապում են Աշոցքում և Գյումրիում, իսկ լեռնադահուկորդը ` Ծաղկաձորում: Նրանք մրցավայր կմեկնեն հունվարի 30 –ին: Այնտեղ կմարզվեն, կհաղթահարեն կլիմայավարժեցման փուլը, կծանոթանան մրցուղիներին: Թիմի անդամները կներկայանան «Ֆորվարդ» մարզահագուստով:
Օլիմպիական խաղերը կանցկացվեն փետրվարի 7–ից 23-ը Ռուսաստանի Սոչի քաղաքում:-0-
