Մովսիսյանը ճանաչվել է 2013թ.-ին «Սպարտակի» ամենագեղեցիկ գոլի հեղինակ

ԵՐԵՎԱՆ, 16 հունվարի. /Նովոստի–Արմենիա/. Հայաստանի հավաքականի հարձակվող Յուրա Մովսիսյանի` Կրասնոդարի «Կուբանի» հետ արտագնա խաղում խփած գոլը ճանաչվել է 2013թ.-ին «Սպարտակ» ակումբի ամենագեղեցիկ գոլը, հաղորդում է «Սպարտակի» մամուլի ծառայությունը։

«Սպարտակի» լավագույն ռմբարկուի այդ գոլի համար կայքում քվեարկել է հարցման մասնակիցների 22,61%-ը։ 

Երկրորդ տեղում է Դենիս Գլուշակովի գոլը` Սանկտ Պետերբուրգի «Զենիթի» հետ խաղում, որի օգտին տրվել է 21,86% ձայն։ Երրորդ տեղում է կրկին Յուրա Մովսիսյանի խփած մեկ գոլը, որը հեռվից է իրականացվել սեփական հարկի տակ «Թերեք» ակումբի հետ կայացած հանդիպման ժամանակ (ձայների 21,77 տոկոս)։–0–