ԵՐԵՎԱՆ, 10 հունվարի. /Նովոստի–Արմենիա/. Լոնդոնում կայացած Օլիմպիական խաղերի հաղթող ռուսաստանաբնակ Արսեն Գալստյանը հրավիրվել է Եվրոպայի հավաքական, որը հունվարի 25–ին Տյումենում թիմային հանդիպում կունենա Ասիայի ներկայացուցիչների հետ, հաղորդում է Ռուսաստանի ձյուդոյի ֆեդերացիայի պաշտոնական կայքը։
Հավաքականներն առաջին անգամ կհանդիպեն նման մենամարտում, որը տեղի կունենա «պատը պատի դեմ» ձևաչափով (ամեն թիմի կազմում ներառված է յոթ տղամարդ և յոթ կին)։ Մրցաշարի մրցանակային ֆոնդը 128 հազար ԱՄՆ դոլար է (հանդիպման հաղթողը կստանա 100 հազար դոլար), հաղորդում է «ՌԻԱ Նովոստին»։
Գալստյանը հանդես կգա մինչև 60 կգ քաշային կարգում։ Այդ կարգում է նա հանդես եկել 2012 թ.–ի խաղերի ժամանակ։ Եվրոպայի հավաքականը գլխավորում է Ռուսաստանի հավաքականի գլխավոր մենեջեր իտալացի Էցիո Գամբան, հավաքականի կազմում ներառված են Գեորգի Զանտարայան (66, Ուկրաինա), Դեքս Էլմոնտը (73), Խենկ Գրոլը (100, երկուսն էլ Նիդեռլանդներից են), Ավթանդիլ Չրիկիշվիլին (48), Աբիգել Յոն (78 կգ, երկուսն էլ Հունգարիայից են), Անդրեա Չիտուն (52, Ռումինիա), Թելման Մոնտեյրոն (57, Պորտուգալիա), Յարդեն Գերբին (63, Իսրայել), Լաուրա Վարգաս–Կոխը (70, Գերմանիա) և Լյուցիա Պոլավդերը (+78, Սլովենիա)։
Ասիայի հավաքական հրավիրված են Ուրանցեցեգ Մունխբատը (48), Սամիա Դորյասուրենը (57), Խաշբաատար Ցագաբբաատարը (73, բոլորն էլ Մոնղոլիայից են), Յուկի Խաշիմոտոն (52), Նաոխիսա Տակատոն (60), Կանա Աբեն (63, բոլորն էլ Ճապոնիայից են), Ազամատ Մուկանովը (66, Ղազախստան), Կիմ Սոն Յենը (70), Կյու Վոն Լին (90), Գյոն–Մի Չժոն (78), Լի Յուն Յենը (+78, բոլորը` Կորեայից), Յախե Իմամովը (81), Սոյիբ Կուրբոնովը (100, երկուսն էլ Ուզբեկստանից) և Յուրի Կրակովեցկին (+100, Ղրղզստան)։–0–
