Մովսիսյանը զբաղեցրել է երկրորդ տեղը Ռուսաստանում տարվա լավագույն ֆուտբոլիստների ցանկում` ըստ «Р-Спорт» մարզական գործակալության

Հայաստանի հավաքականի և Մոսկվայի «Սպարտակ» ակումբի հարձակվող Յուրա Մովսիսյանը զբաղեցրել է երկրորդ տեղը 2013 թ.–ին Ռուսաստանի լավագույն ֆուտբոլիստների քվեարկությունում` «Р-Спорт» մարզական լրատվական գործակալության աշխատակիցների հարցման արդյունքում, հաղորդում է «ՌԻԱ Նովոստին»։

Մովսիսյանը հավաքել է 33 միավոր` ստանալով 7 առաջին, 5 երկու և 2 երեք տեղերը։

2013 թ.–ի լավագույն ֆուտբոլիստ է ճանաչվել Սանկտ Պետեբուրգի «Զենիթ» ակումբի և Ռուսաստանի հավաքականի կիսապաշտպան Ռոման Շիրոկովը, ով հավաքել է 45 միավոր։ 27 միավորով լավագույնների եռյակը եզրափակել է «Դինամո» ակումբի և Ռուսաստանի հավաքականի հարձակվող Ալեքսանդր Կոկորինը, ով 2012 թ.–ին առաջին տեղն էր զբաղեցրել։

Առաջին տասնյակն ունի հետևյալ տեսքը

1.Ռոման Շիրոկով («Զենիթ») – 45 միավոր (10 առաջին տեղ + 4 երկրորդ +7 երրորդ),

2. Յուրա Մովսիսյան («Սպարտակ») – 33 միավոր (7+5+2),

3. Ալեքսանդր Կոկորին («Դինամո») – 27 (3+6+6),

4. Արտյոմ Ձյուբա («Ռոստով») – 26 (4+5+4),

5. Դաննի («Զենիթ») –  21 (6+1+1),

6. Իգոր Ակինֆեև (ԲԿՄԱ) – 18 (2+6+0),

7. Սեյդու Դումբիա (ԲԿՄԱ) – 10  (2+2+0),

8. Դմիտրի Կոմբարով («Սպարտակ») – 10 (2+1+2),

9. Լասանա Դիարա («Լոկոմոտիվ») – 9 (2+0+3),

10. Դմիտրի Տարասով («Լոկոմոտիվ») – 8 (1+1+3)։–0–