Կառլ Բարդակյանը կգլխավորի Հայաստանի բասկետբոլի տղամարդկանց ազգային հավաքականը
01.02.2012,
15:14
Կառլ Բարդակյանը կգլխավորի Հայաստանի բասկետբոլի տղամարդկանց ազգային հավաքականը
Կառլ Բարդակյանը շուտով կգլխավորի Հայաստանի բասկետբոլի տղամարդկանց ազգային հավաքականը, «Նովոստի-Արմենիա» գործակալությանը տեղեկացրեց Հայաստանի բասկետբոլի ֆեդերացիայի նախագահի տեղակալ Գաբրիել Ղազարյանը:
Բարդակյանի ղեկավարությամբ Լոս Անջելեսի բասկետբոլի թիմը հաղթել է 2011թ.-ին անցկացված համահայկական խաղերում: Բացի այդ, ազգային հավաքականի նոր գլխավոր մարզիչը հայտնի է հարուստ մարզչական փորձով, որը ձեռք է բերել ԱՄՆ-ում:
«Ֆեդերացիան վաղուց էր նման որոշում ընդունել, և հիմա Բարդակյանը համաձայնել է դառնալ մեր հավաքականի մարզիչը: Շուտով նա կժամանի Հայաստան, սակայն պետք է ասեմ, որ նրա այցելությունը բավականին երկարատև գործընթաց է», - ասել է Ղազարյանը:
Նա ավելացրել է, որ այցելությունից հետո Բարդակյանն անմիջապես կանցնի մարզչական գործունեությանը:-0-
Պատճենել հղումը
