Հայաստանի ֆուտբոլի ազգային հավաքականի հարձակվող Մարկոս Պիցելին «Կուբանի» հետ պայմանագիր է կնքել, հայտնում է կրասնոդարյան ակումբի պաշտոնական կայքը, հայտնում է ՌԻԱ Նովոստին:
Դոնեցկի «Մետալուրգում» խաղաշրջանը սկսած բրազիլացի 27-ամյա ֆուտբոլիստի հետ համաձայնագիրը կնքվել է 3 տարի ժամկետով:
«Մարկոս Պիցելին բարձր որակավորում ունեցող խաղացող է՝ միջազգային բավականչափ փորձով: Նա վստահ է, որ կուժեղացնի մեր գրոհող ներուժը: Նա կարող է հանդես գալ ինչպես հարձակվողի, այնպես էլ գրոհային կիսապաշտպանի դերում: Դան Պետրեսկուն նկատել է Պիցելիին դեռևս Ռուսաստանի և Հայաստանի հավաքականների հանդիպման ժամանակ: Մենք երկար ժամանակ հետևել ենք այս հարձակվողի խաղին՝ համոզվելու համար, որ խաղացողը տեղավորվում է «Կուբանի» խաղի մոդելում: Այժմ կասկած չկա, և մենք կարող ենք ասել, որ նրա՝ «Կուբան» անցնելը կատարված փաստ է»,- պատմել է «Կուբանի» մարզական տնօրեն Սերգեյ Դորոնչենկոն:
Դոնեցկի «Մետալուրգում» կես խաղաշրջան խաղալու ընթացքում հարձակվողը մասնակցել է Ուկրաինայի առաջնության 18 խաղի և 4 գնդակ է խփել: Բացի այդ, Պիցելին երեք անգամ դարձել է Հայաստանի առաջնության լավագույն ռմբարկուն: Հարձակվողն իր ակտիվում ունի ազգային թիմի 18 խաղ, որոնցում աչքի է ընկել 5 անգամ, այդ թվում՝ Ռուսաստանի հավաքականի դարպասներ ուղարկած գոլով: -0-
