Խորհրդային ֆուտբոլի լեգենդ Սիմոնյանն արժանացել է ՌԴ նախագահի շքանշանին

ԵՐԵՎԱՆ, 29 դեկտեմբերի. /Նովոստի-Արմենիա/. Լեգենդար խորհրդային ֆուտբոլիստ և մարզիչ Նիկիտա Սիմոնյանը պարգևատրվել է «Հայրենիքի առջև ունեցած վաստակի համար» IV աստիճանի շքանշանով, հաղորդում է Ռուսաստանի ֆուտբոլային միության պաշտոնական կայքը, հաղորդում է «ՌԻԱ Նովոստին»:

ՌՖՄ-ի առաջին փոխնախագահը հինգշաբթի շքանշանը ստացել է անձամբ ՌԴ նախագահ Դմիտրի Մեդվեդևից Կրեմլում կազմակերպված պարգևատրման արարողության ժամանակ:

Ֆուտբոլային կարիերային մեծ մասը Սիմոնյանն անցկացրել է Մոսկվայի «Սպարտակում»՝ նրա կազմում դառնալով ԽՍՀՄ քառակի չեմպիոն և ԽՍՀՄ կրկնակի գավաթակիր: Հարձակվողը դարձել է լավագույն ռմբարկուն «կարմիր-սպիտակների» պատմության մեջ՝ խփելով 160 գոլ և լավագույն ռմբարկուն «Սպարտակի» կազմում երկրի առաջնության հանդիպումներում (133 գոլ):

Ազգային հավաքականի հետ միասին Սիմոնյանը նվաճել է Մելբուռնում 1956 թ.-ին անցկացված Օլիմպիական խաղերի «ոսկին»:

Մարզչական կարիերայի ընթացքում 85-ամյա մասնագետն աշխատել է Մոսկվայի «Սպարտակում», Երևանի «Արարատում», Օդեսայի «Չեռնոմորեցում» և ԽՍՀՄ-ի ազգային հավաքականում:

Հայտնի ֆուտբոլիստն ու մարզիչը Միջազգային օլիմպիական կոմիտեի Օլիմպիական շքանշանի ասպետ է, «Արժանիքների համար» ՖԻՖԱ-ի շքանշանի ասպետ և «Հայրենիքին մատուցած ծառայությունների համար» III աստիճանի շքանշանի շքանշանակիր:-0-