Չինացի շախմատիստուհիները ժամկետից շուտ հաղթել են աշխարհի թիմային առաջնությունում

ԵՐԵՎԱՆ, 27 դեկտեմբերի. /Նովոստի-Արմենիա/. Չինաստանի շախմատի կանանց հավաքականը ժամկետից շուտ հաղթանակ է տարել աշխարհի կանանց թիմային առաջնության ութերորդ օրվա արդյունքում, հաղորդում է Մարդինում (Թուրքիա) անցկացվող մրցաշարի պաշտոնական կայքը, տեղեկացնում է «ՌԻԱ Նովոստին»:

Երկուշաբթի Հնդկաստանի հավաքականը, որը թիմերից միակն էր, որը չինացիներից առաջ անցնելու հնարավորություն ուներ, 1:3 հաշվով զիջեց Վրաստանի ներկայացուցիչներին: Միաժամանակ Չինաստանի ներկայացուցիչները 1,5:2,5 հաշվով զիջեցին ուկրաինուհիներին՝ կրելով աշխարհի 2011 թ.-ի առաջնության առաջին պարտությունը:

Այսպիսով, եզրափակիչ փուլում Չինաստանից (14 միավոր) չեն կարող  առաջ անցնել ոչ Հնդկաստանը (11 միավոր), ոչ Ռուսաստանը (12 միավոր), որոնք չափազանց շատ են հետ մնացել չինացիներից անհատական միավորների գումարով:

Ութ փուլերից հետո մրցաշարային աղյուսակն ունի հետևյալ տեսքը՝ 1. Չինաստան՝ 14 միավոր, 2. Ռուսաստան՝ 12 միավոր, 3. Հնդկաստան՝ 11 միավոր, 4-5. Ուկրաինա, Վրաստան՝ 10-ական միավոր, 6-7. Հայաստան, Վիետնամ՝ 8-ական միավոր, 8. Թուրքիա՝ 4 միավոր, 9. Հունաստան՝ 9 միավոր, 10. ՀԱՀ՝ 0:

Առաջնության եզրափակիչ փուլը տեղի կունենա երեքշաբթի:-0-