Շախմատի աշխարհի առաջնության եզրափակիչ փուլում Ռուսաստանի կանանց հավաքականը ոչ-ոքի է խաղացել Հայաստանի հետ (2-2) և կարող է առանց Մարդինում (Թուրքիա) անցկացվող մրցաշարի արծաթե մեդալների մնալ, հաղորդում է «ՌԻԱ Նովոստին»:
Ռուսներն իններորդ տուրից առաջ իրենց ակտիվում 12 միավոր են ունեցել՝ երկու միավորով հետ մնալով իրենց առաջնությունն ապահովող չինուհիներից (14) և մեկ միավորով առաջ անցնելով երրորդ տողը զբաղեցրած հնդիկներից (11): Հնդկաստանը Չինացիներին հաղթելու դեպքում կհասնի Ռուսաստանին և ըստ լրացուցիչ ցուցանիշների՝ կզբաղեցնի երկրորդ տեղը:
Երեքշաբթի արագ ոչ-ոքիները գրանցվել են Տատյանա Կոսինցևա-Էլինա Դանիելյան, Լիլիթ Մկրտչյան-Ալեքսանդրա Կոստենյուկ, Վալենտինա Գունինա-Լիլիթ Գալոյան, Նելլի Աղինյան-Նատալյա Պոգոնինա պարտիաներում:
Թուրքիայում անցկացվող աշխարհի առաջնությունը կավարտվի երեքշաբթի օրը: -0-
