«Թոթենհեմ» ակումբի մարզիչը պատրաստ է ձմռանը ազատ արձակել ֆուտբոլիստ Պավլյուչենկոյին

ԵՐԵՎԱՆ, 21 հոկտեմբերի. /Նովոստի-Արմենիա/. Լոնդոնի «Թոթենհեմ» ակումբի գլխավոր մարզիչ Հարի Ռեդնափը հայտարարել է, որ խոչընդոտներ չի ստեղծի ռուս հարձակվող Ռոման Պավլյուչենկոյի համար, եթե նա ցանկանում է փոխել թիմը ձմեռային տրանսֆերային պատուհանի ժամանակ և ակումբը ստանա արժանի առաջարկ, հաղորդում է «ՌԻԱ Նովոստին»՝ հղում անելով ESPN-ին:

Պավլյուչենկոն այս սեզոնին դաշտ է դուրս եկել պրեմիեր լիգայի միայն մի հանդիպման ժամանակ, սակայն գոլի հեղինակ է դարձել Եվրոպայի Լիգայի շրջանակներում «Շեմրոկ Ռոբերս» իռլանդական ակումբի հետ խաղի ժամանակ: Մոսկվայի «Սպարտակի» նախկին խաղացողի համար մի քանի ռուսական ակումբ է նախատեսված, այդ թվում նաև Մոսկվայի ԲԿՄԱ-ն: Պավլյուչենկոն վերջերս հայտարարել է, որ կհեռանա «Թոթենհեմից», եթե ավելի շատ խաղային ժամանակ չստանա:

«Եթե նա ցանկանա հեռանալ ակումբից, և մենք լավ առաջարկ ստանանք, ապա առանց կասկածի կքննարկենք այն: Սակայն ես չեմ ցանկանում վաճառել նրան, նա լավ մարդ է և ֆուտբոլիստ: Հուսով եմ, որ նա լավ սեզոն կանցկացնի», - ասել է Ռեդնափը:

Ամառային տրանսֆերային պատուհանի ժամանակ Էմանուել Ադեբայորի թիմում ընդգրկվելուց հետո Պավլյուչենկոյի համար ավել դժվար դարձավ պայքարել հիմնական կազմում տեղ ունենալու համար:

«Նա պետք է ամեն հանդիպման ժամանակ ջանք գործադրի: Այնքան էլ հաջող «նախասեզոն» չի ունեցել: Այս տարի բականին բարձր խաղային մակարդակ չի ցուցադրել՝ հիմնական կազմում ընդգրկվելու համար», - ասել է Ռեդնափը:-0-