Հայաստանի հավաքականի մարզիչն ընդհանուր առմամբ գոհ է Եվրո-2012 ընտրական փուլում հայկական թիմի ունեցած արդյունքներից
Ֆուտբոլի Հայաստանի հավաքականի գլխավոր մարզիչ Վարդան Մինասյանն ընդհանուր առմամբ գոհ է Եվրո-2012 ընտրական փուլի արդյունքներից:
Իռլանդացիների պարտությունից հետո հայկական հավաքականը 17 միավորով մնացել էր երկրորդ ընտրական խմբի երրորդ տեղում: Դա լավագույն արդյունքն է հայկական ֆուտբոլի ողջ ժամանակակից պատմության մեջ: Բացի այդ, Հայաստանը 22 գոլով ընդգրկվել է ընտրական փուլի ամենաարդյունավոր հավաքականների վեցնյակում: Հոկտեմբերի 11-ին Եվրո-2012 ընտրական փուլի շրջանակներում Ֆուտբոլի Հայաստանի հավաքականը 2:1 հաշվով զիջել է իռլանդացիներին արտագնա խաղում՝ իսպանացի դատավոր Իտուրալդո Գոնսալեսի սխալի պատճառով:
«Ամփոփելով Եվրո-2012 խմբակային փուլի արդյունքները՝ պետք է ասել, որ արդյունքի հասնելու համար մեզ անհրաժեշտ էր մեծ ծավալով աշխատանք տանել նոր թիմ ձևավորելու համար: Առաջին հերթին մեզ հարկավոր էր ստեղծել թիմի կմախքը, իսկ երկրորդը՝ խաղալ, քանի որ եթե լավ խաղ չկա, ապա շատ դժվար է արդյունքներ ակնկալել»,- երեքշաբթի մամուլի ասուլիսի ժամանակ ասաց Մինասյանը:
Ըստ նրա, մարզչական շտաբին հաջողվեց խաղի սեփական գործելաոճ ձևավորել հավաքականում:
«Խաղի հավաքականն այժմ իր դեմքն ունի, որի մասին շատ է խոսվում և գրվում: Թիմում թիկունք է ձևավորվել, որը հիմնականում երիտասարդական հավաքականից է գալիս, նաև փորձառու ֆուտբոլիստներ կան»,- ասաց Մինասյանը:
Ըստ նրա, խմբային փուլի սկզբում թիմին փորձն էր պակասում:
«Դա բնական է, բայց ընթացքում և փորձ, և արդյունք ձեռք բերեցինք»,- ասաց Մինասյանը՝ ավելացնելով, որ Հայաստանի հավաքականն աճելու մեծ ներուժ ունի: -0
