Հայաստանը ընդգրկվել է Եվրո-2012 ընտրական փուլի ամենաարդյունավոր թիմերի վեցնյակում

Ֆուտբոլի Հայաստանի հավաքականը՝ 22 գոլով, ընդգրկվել է Եվրո-2012 ընտրական փուլի ամենաարդյունավոր թիմերի վեցնյակում:

Ընտրական մրցաշարում ամենաշատ գնդակներ են դարպաս ուղարկել Նիդեռլանդները (37), Գերմանիան (34), Շվեդիան (31), Իսպանիան (26): Հունգարիացիները, ինչպես և հայերը, 22 գոլ են խփել: Ընդհանուր առմամբ, ընտրական փուլում խաղացել է 51 թիմ:

Հայաստանի հավաքականի լավագույն ռմբարկուներն են դարձել «Շախտյորի» կիսապաշտպան Հենրիխ Մխիթարյանը (6 գոլ), Դոնեցկի «Մետալուրգի» հարձակվող Գևորգ Ղազարյանը (5) և Մարկոս Պիզելիին (4) և «Կրասնոդարի» հարձակվող Յուրա Մովսիսյանը (4):

Եվրո-2012-ի ընտրական փուլի շրջանակներում նախօրեին կայացած հանդիպման ժամանակ հայ ֆուտբոլիստներն արտագնա խաղոմ 2:1 հաշվով զիջեցին իռլանդացիներին և զրկվեցին Եվրո-2012-ի եզրափակիչ դուրս գալու համար պայքարը շարունակելուց:

Խաղի 26-րդ րոպեին Գոնսալեսը դաշտից հեռացրեց հայկական հավաքականի դարպասապահ Ռոման Բերեզովսկուն, քանի որ նա տուգանային հրապարակի սահմաններից դուրս իբր ձեռքով խաղաց: Սակայն կրկնապատկերի ժամանակ պարզ երևում էր, որ գնդակը դարպասապահի ձեռքին չի դիպել: Ավելին, գրոհի ժամանակ իռլանդացիների հարձակվող Սայմոն Քոքսը ձեռքով խաղաց: BBC-ին տված հարցազրույցում Քոքսը խոստովանեց, որ գնդակը դիպել է իր ձեռքին:

Պարտությունը թույլ չի տվել Հայաստանի հավաքականին մասնակցել Եվրո-2012 եզրափակիչ փուլ դուրս գալու մղվող պայքարին: -0-