Անգլիայի ֆուտբոլի հավաքականը Եվրո-2012-ի ժամանակ բնակվելու է Լեհաստանում
Անգլիայի ֆուտբոլի հավաքականը Եվրո-2012-ի ժամանակ իր մարզչական ճամբարի համար ընտրել է Լեհաստանը: Եվրո-2012-ը կանցկացվի Լեհաստանում և Ուկրաինայում, հաղորդում է «ՌԻԱ Նովոստին»՝ հղում անելով Sky Sports-ին:
Անգլիացիները նախորդ ուրբաթ դուրս եկան Եվրո-2012-ի եզրափակիչ՝ ոչ-ոքի հաշիվ գրանցելով Պոդգորիցայում Մոնտենեգրոյի հավաքականի հետ հանդիպման ժամանակ:
«Մենք ավարտում ենք պայմանագրային որոշ պարտականությունների համաձայնեցումը: Լեհաստանում ենք լինելու, սակայն ավել բան դեռ չեմ կարող ասել», - հայտարարել է Անգլիայի ֆուտբոլի ասոցիացիայի (FA) ներկայացուցիչ Էդրիան Բևինգթոնը: «Մենք մոտ ենք մեր բազայի վայրը հաստատելուն, սակայն մեր գործընկերների նկատմամբ ոչ կոռեկտ կլինի այդ մասին նախօրոք հայտնելը»:
FA-ի ղեկավար Դևիդ Բերնսթայնը նախորդ շաբաթ ակնկարկեց, որ Անգլիայի հավաքականը ցանկանում է մոտ գտնվել մրցումների հիմնական մարզադաշտերին, այլ ոչ թե դրանցից հեռու, ինչպես դա եղավ ՀԱՀ-ում 2010թ.-ի աշխարհի առաջնության ժամանակ:-0-
