Տիգրան Պետրոսյանի հիշատակին նվիրված շախմատային մրցաշար կանցկացվի Ղրիմում

ԵՐԵՎԱՆ, 29 օգոստոսի. /Նովոստի-Արմենիա/. «Շախմատի աշխարհի չեմպիոն Տիգրան Պետրոսյանի VIII հուշամրցաշարը» կանցկացվի սեպտեմբերի 22-25-ը Սիմֆերոպոլի շախմատի և շաշկու ակումբում։

Ինչպես հաղորդեցին Analitika.at.ua կազմակերպիչները, մրցաշարը ծրագրվում է դարձնել ուկրաինական, այնուհետև նաև միջազգային մակարդակի։

Հուշամրցաշարի շրջանակներում ծրագրվում է մի շարք հանդիսավոր միջոցառումների անցկացում, որոնք ուղղված են շախմատի ժողովրդայնացմանը։ Ակնկալվում են՝ թատերականացված շախմատային ներկայացում, էստրադայի ղրիմցի և ուկրաինացի աստղերի մասնակցությամբ համերգ, միջազգային գրոսմայստեր Ռաֆայել Վահանյանի և ԱՄՆ հավաքականի անդամ Ալեքսանդր Օնիշուկի հետ տեսակամուրջ։

Նախորդ յոթ տարիների ընթացքում Սիմֆերոպոլում ամեն տարի անց է ակցվել շախմատի աշխարհի 9-րդ չեմպիոնի՝ միջազգային գրոսմայստեր Տիգրան Պետրոսյանի հիշատակին նվիրված մրցաշարը, Մրցումներն անցկացվում են ՖԻԴԵ-ի կանոններով։ -0-