Զիկոն գլխավորել է Իրաքի ֆուտբոլի հավաքականը

Հայտնի բրազիլացի մասնագետ Զիկոն գլխավորել է Իրաքի ֆուտբոլի հավաքականը, հաղորդում է Goal.com-ը։

Իրաքի ֆուտբոլային ասոցիացիայի հետ 58-ամյա մարզիչի պայմանագիրը մեկ տարով է, հաղորդում է «ՌԻԱ Նովոստին»։

Ըստ պարբերականի՝ Զիկոյի առջև խնդիր է դրված թիմի հետ դուրս գալ 2014թ.-ի աշխարհի առաջնության հիմնական մաս, որը տեղի կունենա Բրազիլիայում։

Իրաքի ազգային թիմի մարզչի պաշտոնում Զիկոյի դեբյուտը տեղի կունենա սեպտեմբերի 2-ին՝ 2014թ.-ի աշխարհի առաջնության ընտրական երրորդ ռաունդի մրցախաղում, որտեղ նրա սաները պետք է խաղան Հորդանանի հավաքականի դեմ։

Ավելի վաղ բրազիլացի մասնագետնը մարզում էր Ճապոնիայի հավաքականը, «Բունեդկորը» (Ուզբեկստան), ԲԿՄԱ-ն (Ռուսաստան) և «Օլիմպիակոսը» (Հունաստան)։ -0