Փարիզում Տիգրան Պետրոսյանի անվան շախմատային ակումբ է բացվել

ԵՐԵՎԱՆ, 24 օգոստոսի. /Նովոստի-Արմենիա/. Փարիզում աշխարհի 9-րդ չեմպիոն Տիգրան Պետրոսյանի անվան շախմատային ակումբ է բացվել, հաղորդում է armchess.am կայքը:

«Ակումբում նախատեսվում է կազմակերպել շախմատային տարբեր միջոցառումներ (միջազգային մրցաշարեր, մարզումներ, խաղաշարեր և այլն): Ծրագրվում է, որ ակումբը հանդես կգա Ֆրանսիայի թիմային առաջնությունում», - նշվում է տեղեկատվության մեջ:

Տիգրան Պետրոսյանի անվան ակումբի նախագահն է Ֆրանկ-Վազգեն Բայրամյանը (Ֆրանսիա), պատվավոր նախագահը` Գագիկ Հովհաննիսյանը (Հայաստան), քարտուղարը` Հելեն Բայրամյանը (Ֆրանսիա): -0-