Հայ շախմատիստը «արծաթ» է նվաճել Աշխարհի պատանեկան առաջնությունում

Հայ շախմատիստ Ռոբերտ Հովհաննիսյանը նախօրեին Հնդկաստանի Չեննայե քաղաքում ավարտված աշխարհի Մ20 պատանիների առաջնությունում բաժանեց 1-2-րդ տեղերը և լրացուցիչ ցուցանիշներով արժանացավ արծաթե մեդալի, հաղորդում է armchess.am-ը։

Գրոսմայստեր Հովհաննիսյանը Հայաստանի չեմպիոն է, առաջին անգամ պատմության մեջ Չինաստանի 2011 թվականի հուլիսին աշխարհի թիմային առաջնությունում «ոսկի» նվաճած շախմատի ազգային հավաքականի անդամ։ 

Համաշխարհային առաջնությունը (World U-20 Championships) անցկացվել է օգոստոսի 2-15-ը՝ 13 տուրից բաղկացած շվեյցարական խաղակարգով։ Պատանեկան մրցաշարին մասնակցել է 124 շախմատիստ, իսկ աղջիկների մրցաշարին՝ 69 մասնակից մոտ 20 երկրից։ -0-