Ռուսաստանի ֆուտբոլի հավաքականը պետք է լուծի Եվրոպա-2012 առաջնություն դուրս գալու հարցը, հայտարարել է Երևանի «Փյունիկի» և Հայաստանի հավաքականի հարձակվող Էդգար Մանուչարյանը «Ռ-Սպորտ»-ի թղթակցին Լիտվա-Հայաստան խաղից հետո։
Լիտվայի հավաքականը 3։0 հաշվով հաղթել է Հայաստանի հետ Կաունասում կայացած ընկերական խաղում։
«Ռուսաստանի հավաքականի՝ խմբից դուրս գալու հնարավորությունները մեծ են, գլխավորը՝ սեփական երկրի խաղերում միավորներ բաց չթողնելն է»,- ասել է Մանուչարյանը։
Հայ հարձակվողի կարծիքով՝ Ռուսաստանը, Իռլանդիան և Սլովակիան, որոնք 13-ական միավոր ունեն վեց խաղից հետո, В խմբի մրցաշարային աղյուսակում հավասար դիրք են զբաղեցնում։
«Ռուսները պետք է երկու խաղ խաղան «տանը»։ Այդ խաղերից մեկն անմիջական հակառակորդի՝ Իռլանդիայի հավաքականի հետ, ցույց կտա, թե երկու թիմերից ո՞րն է արժանի ԵԱ-ի Լեհաստանի և Ուկրաինայի ուղեգրին։
Սլովակների հետ հոկտեմբերին կայանալիք հանդիպումը պետք է վերջնականապես մաղի ներկայիս երեք առաջնորդներից մեկին։ Եվ, ամենակարևորը, անշուշտ, չձախողվել Անդորրայի հետ «տնային» եզրափակիչ խաղում, իսկ մենք այդ ընթացքում կփորձենք կոտրել Իռլանդիային»,- կատակել է հարձակվողը։
Մանուչարյանը շարունակեց զրույցը ևս մեկ կատակով. «Ռուսաստանի ֆուտբոլի հավաքականն ուժեղ թիմ է, և ես, հնարավոր է, երկրպագեի նրան, եթե չխաղայի և չերկրպագեի Հայաստանի հավաքականին»։
Իսկ ահա Լիտվայի հետ ընկերական խաղի հարցը ստիպեց հայ հարձակվողին տխրել։ «Առաջին խաղակեսում լավ խաղացինք, բայց չիրագործեցինք գոլային պահերը։ Ստացած կարմիր քարտից հետո խաղացողներն իներցիայով պաշտպանության անցան։ Փորձում էին խաղը փրկել արագ հակագրոհներով, բայց, ցավոք, ջհաջողվեց»,- ասաց Մանուչարյանը։
«Այժմ կարևորը՝ ընտրական մնացած խաղերի վրա կենտրոնանալն է։ Իհարկե, կձգտենք առավելագույն արդյունքի հասնել, հավաքել բոլոր միավորները։ Չէ՞ որ միայն այդ դեպքում մենք կկարողանանք Եվրո-2012 ընտրական փուլը հաջողությամբ ավարտելու հույս ունենալ»,- հավելեց նա։
Եվրո-2012 ընտրական ցիկլի В խմբի առաջիկա խաղերը կանցկացվեն սեպտեմբերի 2-ին, երբ Ռուսաստանը կընդունի Մակեդոնիային, Իռլանդիան կխաղա Սլովակիայի հետ, իսկ Հայաստանը կմեկնի Անդորրա։ -0-
