ԵՐԵՎԱՆ, 20 հունիսի. /Նովոստի-Արմենիա/. Դոնեցկի «Մետալուրգ» ֆուտբոլային ակումբը կիրակի պայմանագիր է ստորագրել Հայաստանի ազգային հավաքականի ֆուտբոլիստներ Մարկոս Պիզելլի և Գևորգ Ղազարյանի հետ, հաղորդում է «ՌԻԱ Նովոստին»՝ հղում անելով թիմի պաշտոնական կայքին:
Պայմանագրերի գումարը չի հրապարակվում:
«Մեր թիմի նորեկները Հայաստանի ազգային հավաքականի և Երևանի «Փյունիկի» առաջատար խաղացողներ են: Վերջին երկու տարվա ընթացքում մենք ուշադիր հետևում էինք նրանց կարիերային ակումբում և Հայաստանի հավաքականում: Մարկոսի և Գևորգի հնարավորությունները մեզ լավ ծանոթ են, այդ պատճառով խաղացողներին փորձելու տարբերակը ընդհանրապես չի քննարկվել: Մարկոզ Պիզելլին ծնունդով բրազիլիացի է, սակայն արդեն երեք տարի է Հայաստանի քաղաքացի է: Մեր երկու նորեկները հարձակվող կիսապաշտպաներ են», - ասել է թիմի մարզական տնօրեն Վարդան Իսրայելյանը:
Նրա խոսքերով՝ ֆուտբոլիստները Դոնեցկում արդեն անցել են բուժհետազոտություն, իսկ հունիսի 18-ի երեկոյան ժամանել են Ավստրիա՝ մարզական հավաքի մասնակցելու նպատակով: Երեքշաբթի «Մետալուրգը» պետք է սպարինգ անցկացնի Հունգարիայի «Ուեյփեշտ» ակումիբ հետ, որի ժամանակ էլ սպասվում է Պիզելլի և Ղազարյանի դեբյուտը:-0-
