«Հայկական ֆուտբոլի տարեգիրք-2010»-ն է ներկայացվել Երևանում

«Հայկական ֆուտբոլի տարեգիրք-2010»-ն է ներկայացվել ուրբաթ օրը Երևանի ֆուտբոլի ակադեմիայում: Գրքում ներկայացված են 2010 թվականի ընթացքում հայկական ֆուտբոլի բոլոր նվաճումները, ֆուտբոլիստների լուսանկարները և կենսագրությունները, վիճակագրական տվյալները, նախորդ տարվա խաղերի ամփոփ տեսությունը:

Ինչպես լրագրողներին հայտնեց Հայաստանի ֆուտբոլի ազգային հավաքականի պաշտպան Ռոբերտ Արզումանյանը («Յագելոնիա», Լեհաստան), գրքի հրատարակումն ավելորդ անգամ ընդգծում է երկրի հավաքականի նկատմամբ աճող հետաքրքրությունը: «Մեզ համար շատ հաճելի է, որ մենք ուշադրության կենտրոնում ենք»,- ավելացրեց նա:

Հայաստանի հավաքականի և Դոնեցկի «Շախտյորի» կիսապաշտպան Հենրիկ Մխիթարյանն իր հերթին շնորհակալություն հայտնեց բոլոր նրանց, ովքեր հավաքականի կողքին են եղել և աջակցել են նրան բոլոր խաղերի ժամանակ՝ հույս հայտնելով, որ տվյալ գիրքը միակն ու վերջինը չի լինի:
«Հուսով եմ, որ հետագայում մենք ավելի լավ ենք խաղալու, ինչն ազդակ կհաղորդի նմանատիպ նոր գրքերի ստեղծմանը»,- ասաց նա:

Հայաստանի հավաքականի և երևանյան «Փյունիկի» հարձակվող Մարկոս Փիզելին ավելացրեց, որ առաջին հերթին գիրքը նախատեսված է այն երկրպագուների համար, ովքեր հավատացել և աջակցել է հավաքականին նրա համար ամենադժվար ժամանակներում:

Հայաստանի ֆուտբոլի հավաքականի մամուլի ծառայությունից «Նովոստի-Արմենիա» գործակալությանը հայտնեցին, որ հետագայում ակնկալվում է ժամանակակից հայկական ֆուտբոլի մասին պատմող նոր գրքերի հրատարակում: -0-