Բուքմեյքերները վստահ են, որ Հայաստանի հավաքականի հետ խաղում ռուսներն են հաղթելու

Համաշխարհային բուքմեյքերական գրասենյակները հունիսի 4-ին Սանկտ Պետերբուրգում Հայաստանի հավաքականի հետ Եվրո-2012 ընտրական փուլի կայանալիք մրցախաղում ռուսական հավաքականին բացարձակ ֆավորիտ են համարում։

Այսպիսով, Williamhill հայտնի բուքմեյքերական գրասենյակը խաղադրույքներ է սահմանել՝ Ռուսաստանի հավաքականի հաղթանակի համար 1/7 (1,14) գործակից, ոչ-ոքիի համար՝ 5/1 (6), իսկ հայկական թիմի հաղթանակի համար՝ 12/1 (13) գործակից։

«Մարաֆոն» ռուսական բուքմեյքերական գրասենյակը նույնպես վստահ է ռուսների հաղթանակի հարցում։ Դաշտի տերերի հաղթանակի գործակիցը 1.19 է, ոչ-ոքին գնահատված է 7.1 գործակցով, իսկ հայկական հավաքականի հաղթանակը՝ 19։

Հայաստանի խոշոր բուքմեյքերական գրասենյակներից մեկում՝ «Վիվարոյում», նույնպես այդքան էլ չեն հավատում հարազատ հավաքականի հաջողությանը։ Ռուսների հաղթանակը նրանց մոտ գնահատված է 1.5 գործակցով, ոչ-ոքին՝ 6.2, իսկ հայկական հավաքականի հաղթանակը՝ 12։

Հայաստանի հավաքականը В խմբում զբաղեցնում է երրորդ տեղը՝ առաջին անգամ լավ հնարավորություն ստանալով դուրս գալ առաջնության եզրափակիչ փուլ: Հայ ֆուտբոլիստները չորս հանդիպումների արդյունքում վաստակել են յոթ միավոր, նույնքան միավոր ունեն խմբում երկրորդ տեղը զբաղեցնող իռլանդացիները, ովքեր հայերից առաջ են անցել, քանի որ 0:1 հաշվով պարտության են մատնել նրանց:

Հայաստանի և Ռուսաստանի հավաքականների առաջին հանդիպումը տեղի է ունեցել մարտի 26-ին Երևանում, որն ավարտվել է ոչ-ոքի հաշվով:

Ռուսաստան-Հայաստան հանդիպումը կհեռարձակվի Երևանի կենտրոնում գտնվող Ֆրանսիայի հրապարակի մեծ էկրանով։ -0-