Ռուսաստան-Հայաստան ֆուտբոլային հանդիպումը հնարավոր կլինի դիտել Երևանի կենտրոնում տեղադրված մեծ էկրանին

Ռուսաստան-Հայաստան ֆուտբոլային հանդիպումը, որը տեղի կունենա շաբաթ օրը՝ հունիսի 4-ին, Սանկտ Պետերբուրգում, հնարավոր կլինի դիտել Երևանի կենտրոնում տեղադրված մեծ էկրանին, տեղեկացրել է Երևանի քաղաքապետ Կարեն Կարապետյանը Facebook-ի իր էջում:

«Հունիսի 4-ին, Ֆրանսիայի հրապարակում (Սայաթ–Նովա 1/1) մեծ էկրանի վրա կարող եք դիտել Ռուսաստան -Հայաստան ֆուտբոլային հանդիպումը։
Հաջողություն մեր հավաքականին», - գրում է քաղաքապետը:

Մարտի 26-ին Երևանում կայացած Հայաստան-Ռուսաստան հանդիպումն ավարտվեց ոչ-ոքի արդյունքով:

Ռուսների հետ հանդիպումից հետո հայ ֆուտբոլիստները 8 միավորով B խմբում զբաղեցնում են չորրորդ տեղը:

Սլովակիայի, Ռուսաստանի և Իռլանդիայի հավաքականները վաստակել են տասական միավոր: Մակեդոնացիները վաստակել են 4 միավոր, Անդորրայի հավաքականը ոչ մի միավոր չի վաստակել:-0-