Հայ սամբիստները Եվրոպայի առաջնությունից առաջ վրացի մարզիկների հետ մարզական հավաքներ կանցկացնեն

ԵՐԵՎԱՆ, 6 մայիսի. /Նովոստի-Արմենիա/. Հայաստանի սամբոյի հավաքականը՝ ավագ մարզիչ Գուրգեն Սևոյանի գլխավորությամբ, մեկնել է Թբիլիսի՝ Եվրոպայի առաջնության նախաշեմին վրացի սամբիստների հետ ուսումնամարզական հավաքներ անցկացնելու նպատակով, հաղորդում է ՀՀ սամբոյի ֆեդերացիայի մամուլի ծառայությունը:

Սամբոյի Եվրոպայի առաջնությունը կանցկացվի Սոֆիայում մայիսի 12-16-ը:

Հայաստանի հավաքականի կազմում հայտագրված են Տիգրան Կիրակոսյանը (52 կգ), Վահագն Վարդանյանը (57 կգ), Փայլակ Վարդանյանը (62 կգ), Անդրանիկ Նաղդալյանը (68 կգ), Աշոտ Դանիելյանը (74 կգ), Մավրիկ Նասիբյանը (82 կգ), Ռուզաննա Սարգսյանը (48 կգ), բոլորը հանդես են գալիս սպորտային սամբո ոճում, ինչպես նաև Վաչիկ Վարդանյանը (68 կգ) և Մուշեղ Օսիպյանը (82 կգ)՝ մարտական սամբո:-0-