ՀՀ ոստիկանությունը նյութեր է պատրաստում «Արարատի» գլխավոր մարզիչ, հայտնին ֆուտբոլիստ, չեմպիոն և ԽՍՀՄ գավաթակիր Արկադի Անդրեասյանի անվան հետ կապված միջադեպի առթիվ, «Նովոստի-Արմենիա» գործակալությանը հայտնեց Հայաստանի ոստիկանության հասարակայնության հետ կապերի վարչության պետի տեղակալ Արմեն Մալխասյանը։
Հայկական ԶԼՄ-ների հաղորդմամբ, Անդրեասյանը և նրան ուղեկցող մի խումբ անձինք Հայաստանի առաջնության «Արարատ»-«Փյունիկ» խաղի ընդմիջման ժամանակ ծեծի են ենթարկել տեղական պարբերականի ֆոտոթղթակցին։ Թերթերը պնդում են, որ լրագրողը կոտրված ծնոտով և ուղեղի ցնցումով տեղափոխվել է հիվանդանոց։
«Այժմ նյութեր են պատրաստվում, կատարվում է հետաքննություն։ Քրեական գործ առայժմ չի հարուցվել»,- ասաց Մալխասյանը։
«Արարատ»-«Փյունիկ» հանդիպումն ավարտվեց 1:4 հաշվով: Վեց տուրից հետո «Արարատը հավաքեց ընդամենը մեկ միավոր և եզրափակեց մրցաշարային աղյուսակը: «Փյունիկը» 13 միավորով զբաղեցնում է աղյուսակի երկրորդ տեղը:--0-
