Հայ բռնցքամարտիկ, երկու քաշային կարգերում աշխարհի նախկին չեմպիոն Վիկ (Վախթանգ) Դարչինյանը հայտարարել է, որ ապրիլի 23-ին կայանալիք մենամարտին կկարողանա հաղթել թեթև քաշային կարգում աշխարհի նախկին չեմպիոն Յոնի Պերեսին, հաղորդում է allboxing.ru-ն։
Մենամարտը կկայանա թեթև քաշային կարգի IBO չեմպիոնի տիտղոսի համար։
Դարչինյանը լիարժեք վստահություն է հայտնել, որ կկարողանա մենամարտը վաղաժամկետ հաղթանակով ավարտել։
«Չեմ կարող ասել, թե որ ռաունդում կընկնի Պերեսը։ Ես միայն գիտեմ, որ վաղ թե ուշ ես կոչնչացնեմ նրան։ Թվում է, թե նա ոչ մի անգամ կարիերայում չի եղել ռինգի հատակին, բայց իմ մրցակիցներից շատերը չեն ընկել (ինձ հետ ունեցած մենամարտից առաջ), և ես նրանց խորը նոկաուտի եմ հասցրել։ Եվ ես դա կրկին կանեմ»,- Դարչինյանի խոսքը մեջբերում է BoxingScene.com-ը։
Պրոֆեսիոնալ ռինգում 35-ամյա Վիկ Դարչինյանի հաշվին կա 35 հաղթանակ (27 նոկաուտով), երեք պարտություն (մեկը՝ նոկաուտով) և մեկ ոչ-ոքի։ -0-
