Հայաստանի ազգային ընտրանին բարձրացել է երեք հորիզոնականով և 524 միավորով զբաղեցնում է դասակարգման աղյուսակի 62-րդ հորիզոնականը, հաղորդեցին Հայաստանի ֆուտբոլի ֆեդերացիայի մամուլի ծառայությունից:
Եվրո-2012 ընտրական խմբի Հայաստանի հավաքականի հակառակորդները հետևյալ կերպ են դասակարգվել՝ Ռուսաստան (18-րդ տեղ), Սլովակիա (27), Իռլանդիա (34), Մակեդոնիա (85), Անդորրա (202):
Առաջին հորիզոնականը զբաղեցնում է աշխարհի չեմպիոն Իսպանիայի հավաքականը, Հոլանդիայի ընտրանին երկրորդն է, երրորդ տեղում է Բրազիլիայի հավաքականը:
Առաջին տասնյակում որոշակի վերադասավորում է տեղի ունեցել՝ անցած ամիս երրորդ հորիզոնականը զբաղեցրած Գերմանիան մեկ տեղով իջել է, նրան հաջորդում են Արգենտինան և Անգլիան, տասնյակը եզրափակում է Խորվաթիան:
Ապրիլի 13-ի վարկանիշով առաջին տասնյակը՝
1. Իսպանիա – 1857 միավոր,
2. Նիդեռլանդներ - 1702,
3. Բրազիլիա - 1425,
4. Գերմանիա - 1386,
5. Արգենտինա - 1276
6. Անգլիա - 1163,
7. Ուրուգվայ - 1163,
8. Պորտուգալիա – 1052,
9. Իտալիա - 1019,
10. Խորվաթիա -991: -0-
