Հայաստանի հավաքականի դարպասապահ Բերեզովսկին կխաղա Ռուսաստանի հավաքականի դեմ

Հայաստանի ֆուտբոլի ազգային հավաքականի և «Խիմկի» ֆուտբոլային ակումբի դարպասապահ Ռոման Բերեզովսկուն կանչել են Հայաստանի հավաքական, որը Եվրոպայի 2012 .-ի առաջնության ընտրական փուլի շրջանակներում մարտի 26-ին Երևանում ուժերը կչափի Ռուսաստանի ազգային հավաքականի հետ, հաղորդում է «Խիմկի» ՖԱ-ի պաշտոնական կայքը:

Հայաստանի ֆուտբոլի ֆեդերացիայի մամուլի քարտուղար Տիգրան Իսրայելյանը «Նովոստի-Արմենիա» գործակալությանը դժվարացել է ասել, թե որքանով է Բերեզովսկին վերականգնվել վնասվածքից հետո: Նա տեղեկացրել է, որ Ռուսաստանի հավաքականի հետ խաղի ժամանակ Հայաստանի հավաքականի վերջնական կազմը կհրապարակվի, ամենայն հավանականությամբ, հաջորդ շաբաթ:

Ռուսաստանի ազգային հավաքականի գլխավոր մարզիչ Դիկ Ադվոկատն արդեն հրապարակել է խաղացողների նախնական ցուցակը, որոնց կկանչեն Երևանում մարտի 26-ին կայանալիք Հայաստան-Ռուսաստան խաղին պատրաստվելու համար:

Հայաստանի ֆուտբոլի հավաքականը Եվրո-2012-ի ընտրական խմբում զբաղեցնում է երրորդ տեղը՝ առաջին անգամ ձեռք բերելով առաջնության եզրափակիչ դուրս գալու բոլոր հնարավորությունները: Երեքշաբթի Անդորրայի նկատմամբ հաղթանակ տանելուց հետո ֆուտբոլիստները չորս հանդիպումներում վաստակել են յոթ միավոր երկրորդ տեղը զբաղեցնող իռլանդացիների պես, սակայն իռլանդացիներն ավելի առաջ են, քանի որ հայերը 0:1 հաշվով պարտություն են կրել նրանցից:

Խմբում միանձնյա առաջատարի դիրքում են ռուսները, ովքեր վաստակել են ինը միավոր: 2010 թ.-ի հանդիպումների արդյունքներով յոթ միավորով չորրորդ տեղում է Սլովակիայի հավաքականը, որը ոչ-ոքի է խաղացել իռլանդացիների հետ, սակայն պարտվել է հայ ֆուտբոլիստների հետ խաղում:

Չորս միավորով հինգերորդ տեղում են մակեդոնացիները: Անդորրան, չվաստակելով ոչ մի միավոր, եզրափակում է մրցաշարային աղյուսակը:
Բացի այդ, Հայաստանի հավաքականը ձեռք է բերել խփած և բաց թողած գնդակների լավագույն ցուցանիշը՝ 9 խփած, 4 բաց թողած: Միաժամանակ հայ ֆուտբոլիստները խմբում բոլորից շատ գնդակներն են խփել:
Ռուս և հայ ֆուտբոլիստների միջև պատասխան հանդիպումը տեղի կունենա Մոսկվայում հունիսի 4-ին:-0-