ՀՀ նախագահը խնդիր է դրել ՖԻՖԱ-ի ղեկավարի առջև՝ հաղթել ՌԴ հավաքականին

ՀՀ նախագահ Սերժ Սարգսյանը Ֆուտբոլի ֆեդերացիայի ղեկավարի առջև ՌԴ ֆուտբոլային հավաքականին հաղթելու խնդիր է դրել, հինգշաբթի լրագրողներին ասաց ՀՖՖ նախագահ Ռուբեն Հայրապետյանը՝ մեկնաբանելով Եվրո-2012 ընտրական փուլի շրջանակներում Հայաստան-Ռուսաստան խաղի հնարավոր «վաճառքի» մասին խոսակցությունները:

Ավելի վաղ որոշ լրատվամիջոցներ, հղում անելով «Ժամանակ» օրաթերթին, տեղեկություն էին տարածել, թե Ռուսաստանը Հայաստանին «շահավետ տնտեսական առաջարկ է» արել Եվրոպայի առաջնության ընտրական փուլի խաղը պարտվելու դիմաց:

Բացառելով նման հնարավոր գործարքը ցանկացած, այդ թվում պետական մակարդակով, ՀՖՖ ղեկավարը նշեց մեծ հոգատարությունը, որը պետությունը ցուցաբերում է հայկական ֆուտբոլի նկատմամբ:

«ՀՀ նախագահն իր անձնական հսկողության տակ է առել հայկական ֆուտբոլը, և ես միշտ զգում եմ նրա աջակցությունը, հակառակ դեպքում ես վաղուց հրաժարական կտայի»,- ասաց Հայրապետյանը:
ՀՀ հավաքականը խմբում երրորդ տեղն է զբաղեցնում և առաջին անգամ է մրցախաղի եզրափակիչ փուլ դուրս գալու հնարավորություն ստացել: Հայ ֆուտբոլիստները չորս հանդիպումներից յոթ միավոր են հավաքել, ինչպես երկրորդ տեղում ընթացող իռլանդացիները, սակայն վերջիններն առաջ են անցել, որովհետև հայերի հետ խաղում 0:1 հաշվով հաղթանակ են գրանցել:

Խմբի միանձնյա առաջատարն են ռուսները, ովքեր երեքշաբթի 0:1 հաշվով հաղթել են Մակեդոնիայի հավաքականին և հավաքել ինը միավոր: 2010թ.-ի հանդիպումների արդյունքում յոթ միավորով չորրորդ տեղն է զբաղեցնում Սլովակիայի հավաքականը, որը ոչ-ոքի է խաղացել իռլանդացիների հետ, սակայն պարտվել է հայ ֆուտբոլիստների հետ կայացած խաղում:

Չորս միավորով հինգերորդ տեղում են մակեդոնացիները, Անդորրայի թիմը զրո միավորով եզրափակում է մրցաշարային աղյուսակը:

Բացի այդ, ՀՀ հավաքականին հաշվին են գրանցված դարպաս ուղարկած և բաց թողած գնդակների լավագույն ցուցանիշները՝ 9-4: Միաժամանակ հայ ֆուտբոլիստները բոլորից շատ են գոլ խփել:

Ռուս և հայ ֆուտբոլիստների միջև կայանալիք պատասխան հանդիպումը տեղի կունենա հունիսի 4-ին Մոսկվայում: -0-