Արոնյանը Մայնցում չկարողացավ պաշտպանել արագ շախմատի աշխարհի չեմպիոնի տիտղոսը

Հայ գրոսմայստեր, օլիմպիական չեմպիոն Լևոն Արոնյանը զիջեց արագ շախմատի աշխարհի չեմպիոնի տիտղոսը ամերիկացի շախմատիստ Գաթա Կամսկուն, հաղորդում է armchess.am-ը (Հայաստանի շախմատի ֆեդերացիայի պաշտոնական կայքը):

Գերմանիայի Մայնց քաղաքում 701 շախմատիստների մասնակցությամբ նախօրեին ավարտված մրցումների արդյունքում՝ Արոնյանը 9,5 միավորով զբաղեցրեց երրորդ տեղը: Նա կես միավորով զիջեց հաղթողին և լրացուցիչ միավորներով երկրորդ տեղը զբաղեցրած ադրբեջանցի Վուգար Հաշիմովին:

Մրցաշարն անցկացվել է օգոստոսի 7-8-ը՝ շվեյցարական համակարգով, որը բաղկացած է 11 փուլերից: Ամեն հանդիպում տևել է 20 րոպե՝ գումարած ամեն հաջորդ քայլի համար 5 վայրկյան:-0-