Արգենտինայի ֆուտբոլի հավաքականի գլխավոր մարզիչ Դիեգո Մարադոնան հասկացրել է, որ մտադիր է թողնել իր պաշտոնը, տեղեկացնում է Ռեյթերը՝ հղում անելով Cronica արգենտինական պարբերականին։
Արգենտինացիներն ավարտել են իրենց հանդիպումներն աշխարհի առաջնությունում նախորդ շաբաթ՝ քառորդ եզրափակչում 0։4 հաշվով պարտություն կրելով Գերմանիայի հավաքականի նկատմամբ։
«Ամեն ինչ ավարտված է, իմ ժամանակը վերջացել է»,- ասել է Մարադոնան, ով առայժմ պաշտոնապես հավաքականի մարզիչն է»,- Ես տվել եմ թիմին այն ամենն, ինչ կարող էի»։
Արգենտինայի ֆուտբոլի ասոցիացիայի (AFA) ներկայացուցիչը հաստատել է, որ Մարադոնան պաշտոնապես հրաժարական չի տվել։ AFA նախագահ Խուլիո Գրոնդոնան նախատեսում է հանդիպել մարզչին աշխարհի առաջնության ավարտից հետո, հաղորդում է ՌԻԱ Նովոստին։
Մարադոնայի մտերիմ ընկերներից մեկի խոսքերով, մարզիչը կհայտարարի իր որոշման մասին հատուկ մամուլի ասուլիսի ընթացքում, որի ժամկետներն առայժմ անհայտ են։
Մարադոնան ՀԱՀ-ից Արգենտինա է վերադարձել նախորդ շաբաթ՝ մնացած թիմի հետ։ -0-
