Վրացուհի Ձագնիձեն հաղթել է Ջերմուկում անցկացված շախմատի ՖԻԴԵ-ի Գրան պրիի չորրորդ փուլում

ԵՐԵՎԱՆ, 6 հուլիսի. /Նովոստի-Արմենիա/. Ջերմուկում անցկացված շախմատի ՖԻԴԵ-ի Գրան պրիի չորրորդ փուլում հաղթող է դարձել վրացի շախմատիստուհի Նանա Ձագնիձեն, հաղորդում է ՌԻԱ Նովոստին՝ հղում անելով մրցումների պաշտոնական կայքին։

Ձագնիձեն ավարտական տուրում 13-րդ քայլում ոչ-ոքի է ավարտել չին Խոու Իֆանի հետ խաղը և արդյունքում հավաքել է 9 միավոր՝ 11-ից (յոթ հաղթանակ, չորս ոչ-ոքի)։

Երկրորդ տեղն է զբաղեցրել ռուս Տատյանա Կոսինցևան (7,5), ով վերջին պարտիայում զիջել է Հայաստանի ներկայացուցիչ Էլինա Դանիելյանին։

Վերջին տուրի մյուս հանդիպումների արդյունքներն են՝ Մարթա Ֆյերո (Էկվադոր)-Պիա Կրամլինգ (Շվեդիա)՝ 0։1, Բաիրա Կովանովա (Ռուսաստան) – Լիլիթ Մկրտչյան (Հայաստան)՝ 0,5։0,5, Մայա Չիբուրդանիձե (Վրաստան) – Անտուանետա Ստեֆանովա (Բուլղարիա)՝ 0։1, Շեն Յան – Սյույ Յուխուա (երկուսն էլ՝ Չինաստան)՝ 0,5։0,5։

Վերջնական արդյունքներ՝ Ձագնիձե՝ 9 միավոր, Կոսինցևա՝ 7,5, Մկրտչյան, Դանիելյան, Ստեֆանովա՝ 6,5-ական, Խոու Իֆան՝ 6, Շեն Յան, Կրամլինգ՝ 5,5-ական, Չիբուրդանիձե՝ 4,5, Սյույ Յուխուա՝ 4, Կովանովա՝ 3, Ֆյերո՝1,5։ -0-