Դավիթ Նալբանդյանի բժիշկը խորհուրդ է տվել հրաժարվել Ռոլան Գարրոսի մասնակցությունից
ԵՐԵՎԱՆ, 17 մայիսի./Նովոստի-Արմենիա/. Արգենտինացի թենիսիստ Դավիթ Նալբանդյանի բժիշկ Անխել Ռուիզ-Կոտորրոն դեմ է Նալբանդյանի մասնակցությանը «Ռոլան Գարրոս» մրցաշարին:
«Դավիթն իրեն ռիսկի կենթարկի, եթե վերադառնա «Ռոլան Գարրոս»։ Ես նրան խորհուրդ կտայի չխաղալ, քանի որ այն հինգսեթանի ձևաչափի մրցաշար է, որը լուրջ ջանքեր է պահանջում, իսկ դա ես նրան խորհուրդ չեմ տալիս։ Չնայած նրա վնասվածքը լուրջ չէ, բայց շտապել պետք չէ»,- ասել է Ռուիզ-Կոտորրոն, հաղորդում է www.sports.ru-ն՝ հղում անելով ESPN-ին։
Ըստ բժշկի, դա կպակասեցնի Մադրիդում թենիսիստի հետ կատարվածի կրկնության ռիսկը։
Ավելի վաղ ձախ ծնկատակի ջլի խնդիրների պատճառով Նալբանդյանը հանվել է Մադրիդի, Հռոմի և Բարսելոնի մրցախաղերից։
Roland Garros թենիսի հեղինակավոր մրցախաղ է Փարիզում, որտեղ թենիսի բաց առաջնություն է անցկացվում և որտեղ պայքարում են երկրագնդի ուժեղագույն թենիսիստները։ -0-
