Հայ մարզիկը Գինեսի գրքի ռեկորդ է սահմանել

Հայ մարզիկ, քիկբոքսինգի Հայաստանի նախկին չեմպիոն, քիկբոքսինգի աշխարհի գավաթակիր Կարեն Կարապետյանը Գինեսի գրքի՝ որովայնի վարժության ռեկորդ է սահմանել:

20-ամյա Կարապետյանը չորեքշաբթի երկու ժամ 19 րոպեի ընթացքում որովայնի 3341 վարժություն է կատարել՝ դրանով գերազանցելով 2008 թվականի իր իսկ ռեկորդը (2512 վարժություն), որը գրանցվել է «Դյուցազնագիր» գրքում (Գինեսի գրքի հայկական տարբերակը):

Մարզիկն իր ռեկորդը նվիրել է Հայոց ցեղասպանության 95-ամյակին՝ «Ոչ ցեղասպանությանը» կարգախոսով, և ապագայում ցեղասպանության չկրկնմանը:

«Այս ռեկորդը աշխարհի բոլոր ժողովուրդների կայունության և խաղաղության մարտահրավեր է»,- ասել է նա «Նովոստի-Արմենիա» գործակալությանը:

Միաժամանակ Կարապետյանն ավելացրել է, որ իր սահամանծ ռեկորդի տվյալները կուղարկվեն Լոնդոն՝ Գինեսի ռեկորդների գրքում հաստատման և ընդգրկման համար:

Կարենն, ով Հայաստանի Ֆիզիկական կուլտուրայի ինստիտուտի երկրորդ կուրսի ուսանող է, նշել է, որ ավելի քան 16 տարի զբաղվում է մարմնամարզությամբ, բռնցքամարտով և քիկբոքսինգով, որոնցից ավելի քան 9 տարի՝ միայն մարմնամարզությամբ:

Հայաստանի սփյուռքի նախարար Հրանուշ Հակոբյանն իր հերթին մարզիկի ռեկորդը բնութագրել է որպես «հարգանքի մեծ տուրք Հայոց ցեղասպանության զոհերի հիշատակին»:

«Սա առանձնահատուկ փորձություն և հետաքրքիր նախաձեռնություն է նրա կողմից, և մենք, իհարկե, ողջունում, ապահովում և աջակցում ենք: Ես վստահ եմ, որ այս ռեկորդից հետ Կարենով կհպարտանան ողջ աշխարհի հայերը՝ հետևելով նրա օրինակին»,- ընդգծել է նա: -0-