Նիցցայում անցկացվող շախմատի մրցաշարում Կրամնիկը պարտության է մատնել Կառլսենին

ԵՐԵՎԱՆ, 22 մարտի. /Նովոստի-Արմենիա/. Ռուս շախմատիստ Վլադիմիր Կրամնիկը պարտության է մատնել նորվեգացի Մագնուս Կառլսենին Նիցցայում (Ֆրանսիա) անցկացվող «Ամբեր» միջազգային XIX շախմատի մրցաշարում, հաղորդում է ՌԻԱ Նովոստին:

Ութերորդ փուլում Կրամնիկը սև խաղաքարերով «կույր» հանդիպման ժամանակ ավելի ուժեղ գտնվեց, իսկ «արագ» հանդիպումը սպիտակ խաղաքարերով կարողացավ ոչ-ոքի արդյունքով ավարտել:

Ուկրաինացի Վասիլի Իվանչուկը, ով յոթ փուլերից հետո առաջատարի դիրքում էր, ամրապնդեց իր դիրքը՝ չնայած, որ մրցաշարի աութսայդեր Լերնյեր Դոմինգեսի հետ հանդիպումն ավարտեց ոչ-ոքի (1:1):

Ռուս շախմատիստ Պետր Սվիդլերը «կույր» հանդիպման ժամանակ տարած հաղթանակից հետո «արագ» հանդիպման ժամանակ զիջեց Ռուսլան Պոնոմարյովին: Ալեքսանդր Գրիշչուկ-Սերգեյ Կարյակին հանդիպումն ավարտվեց 1,5:0,5 հաշվով:

Այլ հանդիպումներում հայ շախմատիստ Լևոն Արոնյանը իսայելցի Բորիս Գելֆանդի հետ հանդիպումն ավարտեց ոչ-ոքի (1:1), իսկ ադրբեջանցի շախմատիստ Վուգար Հաշիմովը «արագ» հանդիպման ժամանակ հաջող խաղի շնորհիվ պարտության մատնեց հոլանդացի Յան Սմիթսին (1,5:0,5):

Ութ փուլերից հետո 11 միավորով ընդհանուր ցուցակը գլխավորում է Իվանչուկը, 10 միավորով նրան է հետևում Կառլսենը, երրորդ տեղը 9,5-ական միավորով կիսում են Կրամնիկն ու Գելֆանդը:-0-