Արթուր Աբրահամը չորրորդ անգամ անընդմեջ ճանաչվել է Գերմանիայի լավագույն բռնցքամարտիկ

Հարկ է նշել, որ դեռևս ոչ մի բռնցքամարտիկի չի հաջողվել չորս անգամ անընդմեջ Գերմանիայի լավագույն բռնցքամարտիկ ճանաչվել։

Գերմանիայի լավագույն բռնցքամարտիկի պատվավոր կոչման համար պայքարում 2009 թվականին Աբրահամը հերթական անգամ առաջ անցավ Կլիչկո եղբայրներից։

Աբրահամի հետ աշխատող 66-ամյա մարզիչ Ուլի Վեգները նույնպես ճանաչվել է Գերմանիայի լավագույն մարզիչ՝ յոթերորդ անգամ անընդմեջ։

Գերմանիան ներկայացնող հայ բռնցքամարտիկ Արթուր Աբրահամն իր կարիերայի ընթացքում անցկացրել է 31 մարտ և բոլորում հաղթանակ տարել, ընդ որում՝ 25 մարտ ավարտել է նոկաուտով։ -0-