ԵՐԵՎԱՆ, 13 նոյեմբերի. /Նովոստի-Արմենիա/. Հայ գրոսմայստեր Լևոն Արոնյանը Մոսկվայում անցկացվող Շախմատի Միխայիլ Տալի XXI կատեգորիայի գերմրցաշարի յոթերորդ փուլում ոչ-ոքի է խաղացել Վլադիմիր Կրամնիկի (Ռուսաստան) հետ, հաղորդում է մրցաշարի պաշտոնական կայքը:
Չնայած, որ հայ գրոսմայստերն արդեն չորրորդ փուլն է, ինչ չի կարողանում հաղթանակ տանել, այնուամենայնիվ, գտնվում է առաջատարների խմբում՝ 3,5 միավորով 4-5 տեղերը կիսելով Մագնուս Կառլսենի (Նովեգիա) և Բորիս Գելֆանդի (Իսրայել) հետ:
Յոթերորդ փուլը բավականին խաղաղասեր էր՝ բացառությամբ մեկ հանդիպման, մյուսներն ավարտվեցին ոչ-ոքի արդյունքով՝ Սվիդլեր-Կառլսեն, Անանդ-Մորոզևիչ, Պոնոմարյով-Լեկո:
Միակ հաղթանակը տարավ Վասիլի Իվանչուկը (Ուկրաինա)՝ սպիտակ խաղաքարերով պարտության մատնելով Բորիս Գելֆանդին: Հատկանշական է, որ Իվանչուկը երկու փուլի ընթացքում խաղում է թանզիվե դիմակով:
Յոթ փուլից հետո Կրամնիկն ունի 5 միավոր, Անանդը, Իվանչուկը՝ 4.5-ական միավոր, Արոնյանը, Գելֆանդը, Կառլսենը՝ 3,5-ական միավոր, Պոնոմարյովը՝ 3 միավոր, Մորոզևիչը, Սվիդլերը, Լեկոն՝ 2,5-ական միավոր:
Միխայիլ Տալը (1936—1992) խորհրդարային շախմատիստ է, շախմատի աշխարհի ութերորդ չեմպիոնը (1960—1961):-0-
