Լևոն Արոնյանն ու Ալեքսանդր Մորոզևիչը Նիցցայում անցկացվող գերմրցաշարի առաջատարներն են

Հայ գրոսմայստեր Լևոն Արոնյանն ու Ալեքսանդր Մորոզևիչը 3 միավորով գլխավորում են Նիցցայում անցկացվող «Ամբեր» գերմրցաշարը:

«Ամբեր» ավանդական մրցաշարում «կույր» և «արագ» շախմատային խաղին մասնակցում է աշխարհի 12 ուժեղագույն գրոսմայստեր՝ աշխարհի չեմպիոն Վիշվանաթան Անանդը՝ Հնդկաստանից, Լևոն Արոնյանը՝ Հայաստանից, Ալեքսանդր Մորոզևիչը՝ Ռուսաստանից, Վեսելին Տոպալովը՝ Բուլղարիայից, Վասիլի Իվանչուկն ու Սերգեյ Կարյակինը՝ Ուկրաինայից, Մագնուս Կառլսենը՝ Նորվեգիայից, Թեյմուր Ռաջաբովը՝ Ադրբեջանից, Պետեր Լեկոն՝ Հունգարիայից, Վան Յուեն՝ Չինաստանից, Գատա Կամսկին՝ ԱՄՆ-ից:

Երկրորդ փուլի խաղում Արոնյանը «արագ» շախմատում սևերով հաղթեց Պետեր Լեկոյին, սակայն  «կույր» խաղի ժամանակ զիջեց նրան:

Երկու փուլից հետո մրցաշարի 1-2-րդ տեղերում Արոնյանն ու Մորոզևիչն են՝ 3 միավորով, 3-4-րդ տեղերում՝ Կրամնիկն ու Աննադը՝ 2,5 միավորով, 5-8-րդ տեղերում՝ Լեկոն, Կառլսենը, Կարյակինն ու Տոպալովը՝ 2 միավորով, 9-10-րդ տեղերում՝ Ռաջաբովը, Կամսկին՝ 1,5 միավորով, 11-12 տեղերում՝ Վան Յուեն և Իվանչուկը՝ 1-ական միավորով:

Երրորդ փուլում Արոնյանը սպիտակներով կխաղա Կամսկու հետ:-0-