Լինարեսում Գրիշչուկին հետևողներին է միացել նաև Կառլսենը

Կիրակի կայացած 9-րդ փուլում հաղթանակ տարած նորվեգացի շախմատիստ Մագնուս Կառլսենը միացել է Իսպանիայի Լինարես քաղաքում անցկացվող շախմատի գերմրցաշարի առաջատար ռուս շախմատիստ Ալեքսանդր Գրիշչուկին հետևողներին, հաղորդում է «ՌԻԱ Նովոստին»։

Նախօրեին 18-ամյա Կառլսենը սև խաղաքարարերով հաղթանակ է տարել կուբացի Լենյեր Դոմինգեսի նկատմամբ, այն դեպքում, երբ օրվա մյուս հանդիպումներն ավարտվել են ոչ-ոքի։ 9-րդ փուլում միավորները կիսել են Վասիլի Իվանչուկը (Ուկրաինա)-Թեյմուր Ռաջաբովը (Ադրբեջան), Վան Յուեն (Չինաստան)-Գրիշչուկը, Լևոն Արոնյանը (Հայաստան)-Վիշվանաթան Անանդը (Հնդկաստան)։

Իններորդ փուլից հետո Գրիշչուկն ունի 6 միավոր, Իվանչուկը, Արոնյանը, Կառլսենը՝ 5-ական միավոր, Անանդը՝ 4,5 միավոր, Դոմինգեսը, Վան Յուեն, Ռաջաբովը՝ 3,5-ական միավոր։-0-