Արոնյանը երկրորդ անգամ անընդմեջ պարտություն է կրում Լինարեսում

Հայ գրոսմայստեր Լևոն Արոնյանը երկրորդ անգամ անընդմեջ պարտություն է կրում Լինարեսում անցկացվող շախմատի գերմրցաշարում, հաղորդում է մրցաշարի պաշտոնական կայքը։ Առաջին շրջանի վերջին հանդիպման ժամանակ Արոնյանը սպիտակ խաղաքարերով պարտություն է կրել ուկրաինացի Վասիլի Իվանչուկի հետ խաղում։

Մնացած բոլոր հանդիպումներն ավարտվել են ոչ-ոքի։ Մրցաշարի առաջատարը՝ ռուս շախմատիստ Ալեքսանդր Գրիշչուկը, ոչ-ոքի է խաղացել աշխարհի չեմպիոն, հնդիկ Վիշվանաթան Անանդի հետ։ Ոչ-ոքի են ավարտվել նաև Թեյմուր Ռաջաբով (Ադրբեջան)-Մագնուս Կառլսեն (Նովեգիա) և Լենյեր Դոմինգես (Կուբա) – Վան Յուե (Չինաստան) հանդիպումները։

Առաջին շրջանից հետո Գրիշչուկն ունի 5 միավոր, Կառլսենն ու Իվանչուկը՝ 4-ական միավոր, Անանդն ու Արոնյանը՝ 3,5-ական միավոր, Դոմինգեսը՝ 3 միավոր, Ռաջաբովն ու Վան Յուեն՝ 2,5-ական միավոր։-0-