Միջին քաշային կարգում IBF վարկածով բռնցքամարտի աշխարհի չեմպիոն 28-ամյա Արթուր Աբրահամը մարտի 14-ին իր հաջորդ մենամարտը Գերմանիայի Քյոլն քաղաքում կանցկացնի երբևէ պարտություն չկրած 29-ամյա ամերիկացի Լախուան Սայմոնի հետ, հաղորդում է allboxing.ru կայքը։
«Ես կսկսեմ Սայմոնից և տարեվերջին ուզում եմ դառնալ միջին քաշային կարգում աշխարհի բացարձակ չեմպիոն։ Ես չեմ թույլ տա, որ Սայմոնը ձախողի Քելլի Պավլիկի հետ մենամարտելու իմ ծրագրերը», - ասել է Աբրահամը։ Քելլի Պավլիկն WBC և WBO վարկածներով միջին քաշային կարգում աշխարհի չեմպիոնն է։
Աբրահամը 2008 թվականին երրորդ անգամ անընդմեջ Գերմանիայում արժանացել է Տարվա բռնցքամարտիկ կոչմանը՝ առաջ անցնելով գերծանր քաշայիններ Վիտալի և Վլադիմիր Կլիչկոներից։
2008 թ.-ի մարտին Աբրահամը պաշտպանել է իր տիտղոսը՝ 12-րդ ռաունդում նոկաուտի ենթարկելով Էլվին Այալային, իսկ հունիսին Աբրահամը հաջողությամբ առաջին անգամ հանդես եկավ ԱՄՆ-ում՝ վերջակետ դնելով Էդիսոն Միրանդայի հետ դիմակայությանը, իսկ նոյեմբերին նա ևս մեկ անգամ պաշտպանել է իր տիտղոսը պարտադիր թեկնածու Ռաուլ Մարկեսի դեմ մենամարտում։-0-
