ԵՐԵՎԱՆ, 21 հունվարի. /Նովոստի-Արմենիա/. Ֆուտբոլային ասոցիացիաների միջազգային ֆեդերացիան (ՖԻՖԱ) ամփոփել է իր պաշտոնական կայքում անցկացված քվեարկության արդյունքները, ինչի արդյունքում որոշվել է 2008 թ.-ի խորհրդանշական հավաքականի կազմը։
Առավել հանրաճանաչ է համարվել անցած տարվա արդյունքներով լավագույն ֆուտբոլիստ Կրիշտիանու Ռոնալդուն, ում օգտին քվեարկել է հարցվածների 52 տոկոսը։
Ինչպես և ակնկալվում էր, Եվրոպայի 2008 թ.-ի չեմպիոնի տիտղոսին արժանացած Իսպանիայի հավաքականը առավելագույն տեղերն է ստացել խորհրդանշական հավաքականում՝ ներկայանալով չորս ֆուտբոլիստներով։
Հարցման արդյունքներով, ուժեղագույն լիգա է համարվում իսպանական Պրիմերան, որի հինգ ֆուտբոլիստներ ներկայացված են ՖԻՖԱ-ի խորհրդանշական հավաքականում։
Միաժամանակ տարվա ձախողում կարելի է համարել լավագույն 11-ում իտալացիների բացակայությունը։
Երազանքի թիմում են հայտնվել նաև ֆուտբոլիստներ Անգլիայից, Գերմանիայից, Բրազիլիայից, Ֆրանսիայից և Արգենտինայից։
Դարպասապահ՝ Իկեր Կասիլյաս («Ռեալ» - Իսպանիա);
Պաշտպաններ՝ Սերխիո Ռամոս («Ռեալ» - Իսպանիա), Ջոն Թերի («Չելսի» - Անգլիա), Կառլես Պույոլ («Բարսելոնա» - Իսպանիա), Ֆիլիպ Լամ («Բավարիա» - Գերմանիա);
Կիսապաշտպաններ՝ Քսավի («Բառսելոնա» - Իսպանիա), Սթիվն Ջերարդ («Լիվերպուլ» - Անգլիա), Կակա («Միլան» - Բրազիլիա), Ֆրանկ Ռիբերի («Բավարիա» - Ֆրանսիա);
Հարձակվողներ՝ Լիոնել Մեսի («Բարսելոնա» - Արգենտինա), Կրիշտիանու Ռոնալդու («Մանչեսթեր Յունայթեդ» - Պորտուգալիա)։-0-
