ՀՀ կառավարությունը հինգշաբթի նիստի ժամանակ հավանություն է տվել «ֆիզկուլտուրայի և սպորտի մասին» օրենքում փոփոխություններ և լրացումներ մտցնելու նախագծին։
Ինչպես ասաց սպորտի նախարար Արմեն Գրիգորյանը, փոփոխությունները պայմանավորված են նրանով, որ օրենքի գործող խմբագրությունը բավականաչափ հստակ չէ։
«Գործող օրենքը շատ ընդհանուր դրույթներ ունի։ Մասնավորապես, այնտեղ բերվում են պետական մարզական քաղաքականության միայն ընդհանուր սկզբունքները, տրվում է մարզական տերմինների և ոլորտների սահմանումն ու նկարագիրը, սակայն չի նշվում սպորտի ոլորտում պետական մարմինների, պետական ու հասարակական կազմակերպությունների միջև համագործակցության սկզբունքները, իրավունքներն ու պարտավորությունները»,- ասաց նա։
Նախարարի խոսքերով, գոյություն ունեն մի քանի ոլորտներ, որոնք մասամբ կամ լիովին չեն նշվում օրենքում, օրինակ, հաշմանդամների և հատուկ կարիքներով անձանց մարզական գործունեությունը, դոպինգի դեմ պայքարը, երիտասարդությանն ու կանանց սպորտում ներգրավելը, մարզիկների սոցիալական ու բժշկական ապահովումը։
Ինչպես ասաց նախարարը, վերանայված օրինագիծը, մասնավորապես, լրացնում է օրենքում օգտագործվող հիմնական տերմինների շարքը, ընդլայնում Հայաստանում ֆիզկուլտուրայի և սպորտի զարգացման պետական երաշխիքների քանակը և մարզական քաղաքականության մեջ նախարարության լիազորությունները։--0-
