ԵՐԵՎԱՆ, 13 հունվարի. /Նովոստի-Արմենիա/. Հայկական «Միկա» ֆուտբոլային ակումբը ծրագրում է միջսեզոնային այս հատվածում ամրացնել իր կազմը լեգիոներներով և այս առնչությամբ բանակցություններ է վարում արգենտինացի, բրազիլացի և իսպանացի ֆուտբոլիստների հետ, ասվում է ակումբի պաշտոնական կայքում տեղակայված հաղորդագրության մեջ։
Հաղորդագրության համաձայն, ներկայում ակտիվ բանակցություններ են վարվում Արգենտինայի կիսապաշտպան Դանիել Դե Բրունոյի, նրա հայրենակից, հարձակվող Կոնսիստրեի, բրազիլացի ֆուտբոլիստներ Ջոնի, պաշտպան Էդնելի և կիսապաշտպան Դանիել Դե Սիլվայի հետ: Միևնույն ժամանակ բանակցություններ են վարվում նաև իսպանացի հայտնի հարձակվող Արանդայի հետ, որը հանդես է եկել «Ալբասետե», «Սևիլիա», «Մուրսիա», «Վիլյառեալ» թիմերում։
Բացի այդ, ակումբը պայմանագիր է կնքել Կոտ դԻվուարի հավաքականի ֆուտբոլիստ Բոտի Դեմելի հետ, որն անցյալ սեզոնին հայտագրված է եղել պորտուգալական «Բենֆիկայում»։
«Միկա» ֆուտբոլային ակումբը (Աշտարակ) հիմնադրվել է 1999 թ.-ին։ Հայաստանի 2000, 2001, 2003, 2005, 2006 թթ.-ին գավաթակիրն է և Հայաստանի 2005 թ.-ի Սուպերգավաթակիրը։ --0--
