Հայկական «Շիրակ» ֆուտբոլի ակումբը կարգը խախտելու համար տուգանվել է 500 դոլարով

ԵՐԵՎԱՆ, 23 հունիսի./Նովոստի-Արմենիա/. «Շիրակ» - «Բանանց» խաղից հետո մարզադաշտում կարգ ու կանոն չապահովելու համար, ՀՖՖ-ի կարգապահական կանոնակարգի 15-րդ հոդվածի 11-րդ կետի համաձայն «Շիրակ» ֆուտբոլային ակումբը տուգանվել է 150 000 դրամով (շուրջ 500 դոլար), երկուշաբթի «Նովոստի-Արմենիային» տեղեկացրեցին հանրապետության Ֆուտբոլի ֆեդերացիայի մամուլի ծառայությունից։

Որոշումն ընդունվել է Հայաստանի ֆուտբոլի ֆեդերացիայի կարգապահական կոմիտեի հերթական նիստում` ՀՖՖ գործկոմի անդամ Ռուբեն Սինոյանի նախագահությամբ:

Շաբաթ օրը ՍԹԱՐ ֆուտբոլի ազգային առաջնության շրջանակներում «Շիրակ» թիմը պարտվել է «Բանանց» ակումբի ֆուտբոլիստներին՝ 0։2 հաշվով։

«Շիրակ» թիմը նաև առաջիկա երեք տնային հանդիպումները չի անցկացնի Գյումրիի «Քաղաքայինե մարզադաշտում», տեղեկացրեց մամուլի ծառայության աշխատակիցը, ավելացնելով, որ այդ պատառով «Շիրակ» - «Ուլիս» հանդիպումը տեղի կունենա Ոսկեհատի «Վարդանանք-451» մարզադաշտում:--0—