Հայաստանում առաջին անգամ կանցկացվեն պրոֆեսիոնալ բռնցքամարտի մենամարտեր

Երևանի կրկեսի մանեժում՝ Հայաստանի և ԱՄՆ-ի մարզիկների միջև հունիսի 14-ին կանցկացվի պրոֆեսիոնալ բռնցքամարտի մենամարտեր, որոնք կազմակերպել է Պրոֆեսիոնալ բռնցքամարտի միջազգային ֆեդերացիան (ՊԲՄՖ)։

«Այդ մենամարտերը կլինեն վարկանիշային և բռնցքամարտիկները, հավաքելով միավորներ, հետագայում հնարավորություն կստանան պայքարել չեմպիոնական տիտղոսի համար», - երեքշաբթի մամուլի ասուլիսի ժամանակ ասաց ՊԲՄՖ-ի մամուլի քարտուղար Վարդան Թադևոսյանը։

Նրա խոսքերով, հունիսի 14-ին՝ Երևանում 71 կգ քաշային կատեգորիայում միմյանց դեմ դուրս կգան բռնցքամարտիկներ Բեռնարդո Մասիան (Bernardo Masia) ԱՄՆ-ից և Արտավազդ Մարգարյանը (Artavazd Margaryan) Հայաստանից։

68 կգ քաշային կարգում ուժերը կչափեն ամերիկացի բռնցքամարտիկ Ռուֆինո Ալեքսանդր Պերեսը (Rufino Alexander Perez) և հայ Հրաչ Հովհաննիսյանը (Hrach Hovhannisyan)։

Նա նշեց, որ Հայաստան պետք է գար ևս մեկ ամերիկացի բռնցքամարտիկ՝ Ալֆրեդ Գոմեսը (Alfred Gomez), սակայն նա վնասվածք է ստացել և հրաժարվել մենամարտելուց։

Թադևոսյանը տեղեկացրեց, որ վարկանիշ ստանալու համար՝ վեց հայ բռնցքամարտիկ դուրս կգա միմյանց դեմ։

«Հանդիսատեսին սպասում են հետաքրքիր և գեղեցիկ մենամարտեր՝ լի գայթակղիչ պահերով, քանի որ մենք ընտրել են մեծ փորձ ունեցող լավագույն բռնցքամարտիկների», - նշեց նա։-0-