Պեկինի Օլիմպիադայում Հայաստանի հավաքականի դրոշակակիրը լեգենդար մարմնամարզիկ Ալբերտ Ազարյանը կլինի

Պեկինի 29-րդ Օլիմպիական խաղերի բացմանը Հայաստանի դրոշը կկրի մարմնամարզիկ, սպորտային մարմնամարզության բազմակի չեմպիոն, «օղակների արքա» Ալբերտ Ազարյանը, երեքշաբթի լրագրողներին հայտնեց հանրապետության երիտասարդության և սպորտի հարցերի նախարար Արմեն Գրիգորյանը։

Նա նաև նշեց, որ Հայաստանի ազգային օլիմպիական կոմիտեն ավարտել է Օլիմպիադա-2008-ին հայ մարզիկների մասնակցությունն ապահովելու կազմակերպչական աշխատանքները։

«Արդեն մարզահագուստ է պատվիրված մեր օլիմպիական մարզիկների համար»,- ասաց նախարարը։

«Մեր մարզիկների համար տոնական մարզահագուստ կտրամադրի «Արևիկ» մոդելային գործակալությունը։ Հենց այս հագուստներով նրանք կմասնակցեն Օլիմպիական խաղերի բացմանը»,- ասաց նա։

Ընդ որում Գրիգորյանը տեղեկացրեց, որ Պեկինի ամառային օլիմպիական խաղերին կմասնակցի ավելի քան 20 հայ մարզիկ։

«Օրերս ավարտվեց հունահռոմական ըմբշամարտի վերջին որակավորման միջազգային մրցախաղը, որի արդյուքում մեր ըմբիշները կարողացան ևս երեք օլիմպիական ուղեգիր նվաճել»,- նշեց նախարարը։

Այսօրվա դրությամբ 23 մարզիկ օլիմպիական ուղեգրեր են նվաճել տարբեր սպորտաձևերում՝ ըմբշամարտ, հրաձգություն, ձյուդո, ծանրամարտ, բռնցքամարտ։

Դրանից բացի, Հայաստանը հնարավորություն ունի ավելացնել օլիմպիական ուղեգրերն այսպես ասած «սպիտակ քարտերի» հաշվին, որը տրվում է միջազգային սպորտային ֆեդերացիաների կողմից, մասնավորապես թեթև ատլետիկայից և լողից։

«Իհարկե, մենք հույսեր ենք կապում մեր մարզիկների հետ, սակայն ասել, թե որքան մեդալներ կլինեն, դեռ վաղ է, բայց մեր մարզիկները մարտական են տրամադրված»,- ասաց նախարարը։

Նա տեղեկացրեց, որ ինչպես մարզիկների ֆիզիկական պատրաստվածության, այնպես էլ կազմակերպչական խնդիրների հետ կապված տարատեսակ խդիրների լուծման համար ստեղծվել է հատուկ հանրապետական շտաբ։

2008 թվականի Ամառային օլիմպական խաղերը կանցկացվեն Պեկինում օգոստոսին:-0—