ԵՐԵՎԱՆ, 24 մարտի. /Նովոստի-Արմենիա/. Չինաստանի մայրաքաղաքը պատրաստ է XXIX Ամառային օլիմպիադայի անցկացմանը, «ՌԻԱ Նովոստիին» տված հարցազրույցի ժամանակ հայտարարել է ՌԴ ֆիզիկական դաստիարակության և սպորտի դաշնային գործակալության ղեկավարի տեղակալ Սերգեյ Կորոլը։
Պատմության մեջ առաջին անգամ Չինաստանի տարածքում անցկացվող օլիմպիական խաղերը կսկսվեն Պեկինում՝ օգոստոսի 8-ին։
«Ես համոզմունքով ասում եմ, որ Պեկինը պատրաստ է Օլիմպիադայի անցկացմանը», - ասել է Կորոլը։
Ռուսաստանի սպորտի գերատեսչության ներկայացուցչի խոսքերով, «չկա ոչ մի կասկած», որ Չինաստանը պատրաստ է խաղերին։
Ռուսսպորտի ներկայացուցիչը նշել է, որ այսօրվա դրությամբ ռուսական կողմը «ամբողջովին գիտակցում է, թե ինչպես են անցկացվելու Օլիմպիական խաղերը Պեկինում»։
Նա ընդգծել է, որ Չինաստանը տիրապետում է «ամենալավ և առավել ժամանակակից» ենթակառուցվածքով՝ Օլիմպիական խաղերի անցկացման համար։
Ինչպես պատմել է Կորոլը, օբյեկտների կառուցման ժամանակ «օգտագործվել են ամենաժամանակակից տեխնոլոգիաները»։
«Բոլոր օբյեկտները բավականին հետաքրքիր են, սակայն ամենաշատը մեզ դուր եկավ «Ջրային ակումբ» ջրային մարզաձևի դղյակը», - նշել է ռուս փորձագետը։ Մասնավորապես, նրա խոսքերով, «Ջրային ակումբ» ջրային մարզաձևի դղյակում ջրի մաքրումը իրականացվելու է օզոնացման միջոցով։ «Այդպիսով, ջրի մեջ չեն ընկնի ոչ մի տեսակի ռեակտիվներ», - պատմել է նա։-0-
